香港股票 玩X完

By Kevin Tsang | Posted on: 2014-05-04

Hong kong exchange trade lobby 2007 m7afb 600x0

話說杜汶澤99年拍第一部電影「屍氣逼人」,滿心歡喜成了電影演員,未埋位之時,佢無意中聽到兩個燈光師對話:「邊有戲開吖!香港電影玩X完架喇」。才第一天入行,已驚聞噩耗﹔結果,由那天開始,杜汶澤拍了超過一百部電影。

亞澤呢篇文章「香港電影,玩x完」實在發人深省,我一方面佩服他無怨天尤人、敬業樂業又堅持,殺出條血路;但另一方面,我亦很好奇燈光師結果係咪真係冇得撈,我相信答案同樣發人深省。

好多人都想知道,互聯互通對香港有乜影響,其實,睇電影圈的發展就可以估到,合拍片就係互聯互通的鼻祖﹔2003年簽完CEPA之後,香港電影人突然見到內地13億人的市場。嘩!發達囉!不過,開心沒多久,發覺香港電影一時之間未適應到大陸市場,香港人又嫌內地戲老套,可謂兩頭唔到岸,結果,一大批香港電影工作者陸續轉行。

點解?梗係喇,內地人搏到盡,人工又平,你要離鄉別井,言語又唔通,習性又唔同⋯⋯(下刪二百字),一句講晒,您好難爭,大陸市場咁大,點解要開放黎益您?其實邊係益您吖,只係內地電影當年難登國際舞台,香港可以作為一條橋,幫佢地邁向國際,所以,能夠帶起內地演員的一線男神,個個賺得盤滿缽滿,其他的通通讓路。

金融圈都一樣,互聯互通,股票又好,期貨又好,都係內地股改同人民幣國際化等等的一條橋。起初幾年,我地係會有唔少機會,但慢慢就會感到被淘汰,梗係喇,內地人搏到盡,人工又平⋯⋯(又係下刪二百字)。他日內地證券行搶市場,行零佣金時,香港靠佣金食飯的經紀,就正式玩X完。

之不過,被淘汰其實唔怪得人,當年電影圈黃金年代之後,片愈拍愈爛,豪無創意﹔賭精、賭鬼、賭怪、英雄好漢、好漢英雄、好英雄漢,長此下去,本來就係死梗,而合拍片只不過係加速呢個過程﹔唔少金融人亦係不學無術,基本分析就剩識講P/E,技術分析就係跌穿20天線止蝕,被淘汰已是必然。

當然,又唔駛咁快灰心,正如亞澤話齋,佢都可以拍超過100部電影,而互聯互通之後市場大左,有實力嘅人係更有發揮空間,好似以前一部戲拍七日,點會有人好似張家輝為部「激戰」去練半年練到咁大隻?我相信行得零佣金嘅服務通常係有限公司,若然你今日肯痛下苦功,咁隨著市場擴大,一定會有更多容戶要搵你做投資顧問,唔駛憂。

咩話?你又唔係做電影,又唔係做金融,所以唔關您事?吓?你以為互聯互通只限電影、金融?你就真是傻的嗎?方方面面都殺到埋黎喇,再唔力爭上遊,就真係「香港人,玩X完」﹔只要痛定思痛,急起直追,X的廣府話發音咪就係「唔」囉。

刊於蘋果日報,金融中心版

話說杜汶澤99年拍第一部電影「屍氣逼人」,滿心歡喜成了電影演員,未埋位之時,佢無意中聽到兩個燈光師對話:「邊有戲開吖!香港電影玩X完架喇」。才第一天入行,已驚聞噩耗﹔結果,由那天開始,杜汶澤拍了超過一百部電影。

亞澤呢篇文章「香港電影,玩x完」實在發人深省,我一方面佩服他無怨天尤人、敬業樂業又堅持,殺出條血路;但另一方面,我亦很好奇燈光師結果係咪真係冇得撈,我相信答案同樣發人深省。

好多人都想知道,互聯互通對香港有乜影響,其實,睇電影圈的發展就可以估到,合拍片就係互聯互通的鼻祖﹔2003年簽完CEPA之後,香港電影人突然見到內地13億人的市場。嘩!發達囉!不過,開心沒多久,發覺香港電影一時之間未適應到大陸市場,香港人又嫌內地戲老套,可謂兩頭唔到岸,結果,一大批香港電影工作者陸續轉行。

點解?梗係喇,內地人搏到盡,人工又平,你要離鄉別井,言語又唔通,習性又唔同⋯⋯(下刪二百字),一句講晒,您好難爭,大陸市場咁大,點解要開放黎益您?其實邊係益您吖,只係內地電影當年難登國際舞台,香港可以作為一條橋,幫佢地邁向國際,所以,能夠帶起內地演員的一線男神,個個賺得盤滿缽滿,其他的通通讓路。

金融圈都一樣,互聯互通,股票又好,期貨又好,都係內地股改同人民幣國際化等等的一條橋。起初幾年,我地係會有唔少機會,但慢慢就會感到被淘汰,梗係喇,內地人搏到盡,人工又平⋯⋯(又係下刪二百字)。他日內地證券行搶市場,行零佣金時,香港靠佣金食飯的經紀,就正式玩X完。

之不過,被淘汰其實唔怪得人,當年電影圈黃金年代之後,片愈拍愈爛,豪無創意﹔賭精、賭鬼、賭怪、英雄好漢、好漢英雄、好英雄漢,長此下去,本來就係死梗,而合拍片只不過係加速呢個過程﹔唔少金融人亦係不學無術,基本分析就剩識講P/E,技術分析就係跌穿20天線止蝕,被淘汰已是必然。

當然,又唔駛咁快灰心,正如亞澤話齋,佢都可以拍超過100部電影,而互聯互通之後市場大左,有實力嘅人係更有發揮空間,好似以前一部戲拍七日,點會有人好似張家輝為部「激戰」去練半年練到咁大隻?我相信行得零佣金嘅服務通常係有限公司,若然你今日肯痛下苦功,咁隨著市場擴大,一定會有更多容戶要搵你做投資顧問,唔駛憂。

咩話?你又唔係做電影,又唔係做金融,所以唔關您事?吓?你以為互聯互通只限電影、金融?你就真是傻的嗎?方方面面都殺到埋黎喇,再唔力爭上遊,就真係「香港人,玩X完」﹔只要痛定思痛,急起直追,X的廣府話發音咪就係「唔」囉。

刊於蘋果日報,金融中心版